Ravanti a grutta di Lourdes

di Vito Fiorentino
.

'Nni vieni ru cuori sta priera, Matri.

Pi' nuavutri nun t'addumannamu nienti.

Aiutanni a diventari pani

pani friscu

pani sempri nuovo,

pani ancuora cavuru

pi' rumpillu e passallu a l'avutri,

e gienti ri tutti paisi

ri tutti i firi

ri tutti i culura.

Aiutanni, Matri,

a farinni Parola

ne' relazioni r'a famigghia,

ne' relazioni cu' munnu.

Ni rasti a strata

e nuatri 'a putiemu fari cu' tia.

Tu ricisti u' to sì

e n'insigni a tinirizza.

Tu ricisti u' to sì

e n'insigni a mittirinni ne' mani ri to figghiu.

Tu ricisti u' to sì

e n'insigni a sapirinni taliari nall'uocchi,

a sapirinni accanusciri tutti figghi ri Diu.

Tu ricisti u' to sì

e 'i nostri paroli,

i nostri carni

sunnu addiventati i paroli e i carni

ru munnu.

Tu ricisti sì

e i rulura, i bisuogni ri l'avutri

sunnu i rulura e i bisuogni nuostri.

Tu ricisti sì

e no' to sì

attruvamu 'a biddizza, 'a gioia, l'Amuri

ru nostru Signuri

.

(Davanti alla grotta di Lourdes.

Ci viene dal cuore questa preghiera, Madre // Per noi non ti chiediamo niente // Aiutaci a diventare

pane, // pane fresco, // pane sempre nuovo, // pane ancora caldo, // per spezzarlo e passarlo agli altri,

// agli uomini di tutti i paesi, // di tutte le fedi, // di tutti i colori.// Aiutaci, Madre, // a farci Parola //

nelle relazioni della famiglia, // nelle relazioni col mondo. // Ci hai dato la strada // e noi la

possiamo percorrere con Te. // Tu hai detto il tuo sì // e ci insegni la tenerezza. // Tu hai detto il tuo

sì // e ci insegni a metterci nelle mani di tuo Figlio. // Tu hai detto il tuo sì // e ci insegni a saperci

guardare negli occhi, // a saperci riconoscere tutti figli di Dio. // Tu hai detto il tuo sì // e le nostre

parole, // le nostre carni // sono diventate le parole e le carni // del mondo. // Tu hai detto sì // e nel

tuo sì // troviamo la bellezza, la gioia, l'Amore // di nostro Signore.)