di Lina La Mattina
Ah! Quantu è riccu stu Natali…
di la statua a la Marina strati e chiazzi su apparati
l’àrbuli pàrinu linzola di bianca luci arraccamati
lu tiatru, jardinu di russi stiddi cunzatu…
e nun manca l’àrbulu addubbatu cu li pìcciuli a li fissa scippati.
Ah! Quantu è beddu stu Natali,
cu li strati sdisulati, addubbati di munnizza
cu la genti allammicata ca nicèssita, addisìa… ma burzi
e casciuna vacanti sunnu e la tridicesima cu dèbbiti e bulletti
nun li jinchi di certu, perciò cu l’ali caduti s’arricogghi a casa.
Né màncanu prissepi dintra vaneddi e curtigghi
‘nmenzu casi cadenti, sdirrubbati, di cartuni cu li surci pri vicini
dunni li tanti Giuseppi, Maria e bammini cu l’occhi senza suli
li facci arripudduti, li robbi sfardati, li scarpi sfunnati
addumànnanu limòsina, làvanu vitri…
Ah! Quantu è grassu ‘stu natali, nutricatu nni la crisi
disoccupazioni, pinzioni di fami, casi e risparmi
di ‘na vita persi, ma lu cavaleri dici di stari allegri e spènniri
ca tantu gioielli, màchini e varchi di lussu sunnu sempri a primu postu
e puru cani e porci si ponnu pirmèttiri cuddàri d’oru e di diamanti!
Pri tuttu chistu un applausu lu mèrita Cammarata
ca cu quattrucentu mila euru arrivisscìu Garibaldi e li milli latruna
p’arrigurdari ca sta terra spugghiaru e massacraru
ca tuttu l’annu nni conza la ‘nzalata cu arti, festi, botti e tric trac
e a fini annu n’acconcia lu capizzu cu la fausa tassa di la munnizza.
Perciò nun c’è chi diri si ‘nzèmmula a Lombardu e Berlusconi
fannu un triu d’eccezzioni, basta pinzari a l’Aquila
Messina …si po’ c’è genti ca nun pò pagari l’affittu, li bulletti
nun pò accattari latti, scarpi, cappotti, nun è certu curpa di li guvirnanti ma nostra, c’ammucciamu capitali ‘n Svizzera o sutta li maduna.
Siddu un mazzu di pitrusinu o un chilu di patati
cùstanu 2.000 liri, un vròcculu o un chilu di racina ottu mila
siddu un pòviru diàvulu pri fisteggiari lu bamminu
a li sei di matina va scaliannu la munnizza circannu ossa di spurpari
siddu dintra lu ripartu di chemioterapia, malati cu l’ossa ‘ncancrinuti
hannu a fari la cuda, ca una sula è la seggia a rotelli
siddu nni veni ‘na sìncupi e avemu lu tempu d’arrivari a lu ‘nfernu
e turnari, prima d’aviri fatta ‘na tach o un elettrocardiogramma
siddu li cirotti scòrcianu la peddi, li siringhi làssanu pirtusa
e mi fu dittu: “signura chistu passa lu cummentu”!
Siddu aspittari tri misi pri vrudicari li to’ morti
ca nun hai pìcciuli pri pagari tangenti o nun si raccumannatu di pulitici o mafiusi…cu sinni futti… dicemu grazi a Cammarata
ca vinni li posti a cu megghiu paga, sarbannu l’ultimi arrivati
e lassannu a lu frisco e li pedi di fora li morti di li pòviri dispirati!
La cosa ‘mpurtanti ca iddi màncianu bìvinu fùttinu e s’addivèrtinu
vunciannu sacchetti a tuttu lu cucuzzaru di sta fitenti società
e cu la pigghiata pri lu culu di ‘na limòsina a quattru fissa
p’accattàrisi li voti, si làvanu la cuscenza,
perciò l’auguriu di fini annu di li nostri pulitici e guvirnanti
è sempri lu stissu: “morti vostra vita nostra”!
28 Dicembre 2008 R.C. 8 dicembre 2010 LINA LA MATTINA
Ah! Quantu è riccu stu Natali…
di la statua a la Marina strati e chiazzi su apparati
l’àrbuli pàrinu linzola di bianca luci arraccamati
lu tiatru, jardinu di russi stiddi cunzatu…
e nun manca l’àrbulu addubbatu cu li pìcciuli a li fissa scippati.
Ah! Quantu è beddu stu Natali,
cu li strati sdisulati, addubbati di munnizza
cu la genti allammicata ca nicèssita, addisìa… ma burzi
e casciuna vacanti sunnu e la tridicesima cu dèbbiti e bulletti
nun li jinchi di certu, perciò cu l’ali caduti s’arricogghi a casa.
Né màncanu prissepi dintra vaneddi e curtigghi
‘nmenzu casi cadenti, sdirrubbati, di cartuni cu li surci pri vicini
dunni li tanti Giuseppi, Maria e bammini cu l’occhi senza suli
li facci arripudduti, li robbi sfardati, li scarpi sfunnati
addumànnanu limòsina, làvanu vitri…
Ah! Quantu è grassu ‘stu natali, nutricatu nni la crisi
disoccupazioni, pinzioni di fami, casi e risparmi
di ‘na vita persi, ma lu cavaleri dici di stari allegri e spènniri
ca tantu gioielli, màchini e varchi di lussu sunnu sempri a primu postu
e puru cani e porci si ponnu pirmèttiri cuddàri d’oru e di diamanti!
Pri tuttu chistu un applausu lu mèrita Cammarata
ca cu quattrucentu mila euru arrivisscìu Garibaldi e li milli latruna
p’arrigurdari ca sta terra spugghiaru e massacraru
ca tuttu l’annu nni conza la ‘nzalata cu arti, festi, botti e tric trac
e a fini annu n’acconcia lu capizzu cu la fausa tassa di la munnizza.
Perciò nun c’è chi diri si ‘nzèmmula a Lombardu e Berlusconi
fannu un triu d’eccezzioni, basta pinzari a l’Aquila
Messina …si po’ c’è genti ca nun pò pagari l’affittu, li bulletti
nun pò accattari latti, scarpi, cappotti, nun è certu curpa di li guvirnanti ma nostra, c’ammucciamu capitali ‘n Svizzera o sutta li maduna.
Siddu un mazzu di pitrusinu o un chilu di patati
cùstanu 2.000 liri, un vròcculu o un chilu di racina ottu mila
siddu un pòviru diàvulu pri fisteggiari lu bamminu
a li sei di matina va scaliannu la munnizza circannu ossa di spurpari
siddu dintra lu ripartu di chemioterapia, malati cu l’ossa ‘ncancrinuti
hannu a fari la cuda, ca una sula è la seggia a rotelli
siddu nni veni ‘na sìncupi e avemu lu tempu d’arrivari a lu ‘nfernu
e turnari, prima d’aviri fatta ‘na tach o un elettrocardiogramma
siddu li cirotti scòrcianu la peddi, li siringhi làssanu pirtusa
e mi fu dittu: “signura chistu passa lu cummentu”!
Siddu aspittari tri misi pri vrudicari li to’ morti
ca nun hai pìcciuli pri pagari tangenti o nun si raccumannatu di pulitici o mafiusi…cu sinni futti… dicemu grazi a Cammarata
ca vinni li posti a cu megghiu paga, sarbannu l’ultimi arrivati
e lassannu a lu frisco e li pedi di fora li morti di li pòviri dispirati!
La cosa ‘mpurtanti ca iddi màncianu bìvinu fùttinu e s’addivèrtinu
vunciannu sacchetti a tuttu lu cucuzzaru di sta fitenti società
e cu la pigghiata pri lu culu di ‘na limòsina a quattru fissa
p’accattàrisi li voti, si làvanu la cuscenza,
perciò l’auguriu di fini annu di li nostri pulitici e guvirnanti
è sempri lu stissu: “morti vostra vita nostra”!
28 Dicembre 2008 R.C. 8 dicembre 2010 LINA LA MATTINA
complimenti, poesia molto sentita e significativa... guido
RispondiElimina