Lu 31 di marzu accuminciò la "Simana dû Sicilianu" ca si cunchiudi lu 7 d'aprili. St'iniziativa veni di la Mèrica: l'idea ci vinni a un sìculu-miricanu di secunna generazioni di nomu Nick Panzarella chi criò un gruppu di cristiani e un situ internet pi putilla pubblicizzari. Tutti l'associazioni ca fannu parti di l'AUCLIS (Associazioni Unite per la Cultura e la LIngua Siciliana) sustennu sta "Simana" ca si teni unnegghiè e grazî a cuegghiè. Infatti, ciaschidunu di nuàutri po èssiri parti attiva di l'iniziativa: duranti sta Simana semu chiamati a parrari in sicilianu unni e cu cu' nun l'avemu mai fattu; in oltri, semu chiamati a migghiurari li nostri canuscenzi di la lingua siciliana, liggennu òpiri di auturi clàssichi comu Antoniu Veneziano, Giuvanni Meli, Ninu Martoglio, Ignaziu Buttitta etc. Cu' havi un profilu nni li menzi sociali, po pubblicari post in lingua siciliana; pi cu' scrivi puisìi o canta in sicilianu, chissa è la simana bona pi farinilli canùsciri.
Nessun commento:
Posta un commento
Questo blog consente a chiunque di lasciare commenti. Si invitano però gli autori a lasciare commenti firmati.
Grazie