CARUSI... PI SEMPRI
Ancora vi vulissi accarizzari
tuccannuvi c'amuri li capiddi,
comu a quannu èrivu di picciriddi
e ju di notti vi vinìa a vasari.
E ddi labbruzza èranu ciuriddi
a l'occhi me', mentri stava a sfrisciari
ddi mascidduzzi russi e li nasiddi,
alleggiu alleggiu pi nun vi svigghiari.
Ora ca siti granni e vi talìu
aurusi e beddi comu a tri banneri
ca lu me vantu siti e lu me sbriu;
puru si nfunnu di lì me' pinzeri
vi vidu carusiddi...sangumiu,
ca di sti occhi siti li lumeri.
L'Auturi; Euranio La Spisa©
Nessun commento:
Posta un commento
Questo blog consente a chiunque di lasciare commenti. Si invitano però gli autori a lasciare commenti firmati.
Grazie